憶述沙特王子雄心壯志終遭軟禁　前財爺曾俊華提醒港府投資目標

「杜拜王子」風波至今為止，近來亦是政商圈熱話，前財政司司長曾俊華就話，今次爭議，令其想起當年出任財爺時，亦曾同商界朋友考察中東幾個城市，並與當時人氣沙特王子HRH Prince Alwaleed Bin Talal會面，到其誇張得令人嘩然的大宅作客。

曾俊華話，當時沙特王子雄心壯志，希望可以大展拳腳，亦曾計劃興建一座全球最高的大樓。不過，「後來今日嘅王儲上位之後，沙特政府就以打貪之名，一度將呢位『中東股神』軟禁喺酒店，呢位王子最終成為呢場政治鬥爭嘅大輸家。」

曾俊華說，近來聽到好多人說去中東投資，「其實嗰度周圍都係沙漠，滿眼都係黃泥沙，我哋真係要搞清楚我哋投資嘅目標係乜。」

他認為，香港最吸引外國投資者之處，是普通法和低稅率，相信只要做好香港投資環境，制訂具吸引力的稅務安排和政策，保持香港原有的生活方式，家族辦公室自然會來。

曾提醒，若想吸引更多家族辦公室來港，首先要搞清楚希望達到什麼目的、收到什麼效果？當有清楚的目標，才可以針對性去進行工作。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5